விடுதலை புலிகள் மீதான தடை மேலும் 5 ஆண்டுகளுக்கு நீட்டிப்பு

புதுடெல்லி:

முன்னாள் இந்திய பிரதமர் ராஜீவ் காந்தி கடந்த1991ம் ஆண்டு ஸ்ரீபெரும்புதூரில் படுகொலை செய்யப்பட்டார். இதையடுத்து இலங்கையை சேர்ந்த விடுதலைப்புலிகள் இயக்கத்தை மத்திய அரசு தடை விதித்தது.

கடந்த 1991ம் ஆண்டு முதல் இந்த தடை ஒவ்வொரு 5 ஆண்டுகளாக நீட்டிக்கப்பட்டு வருகிறது.

இந்தநிலையில் மேலும் 5 ஆண்டுகள் தடை விதித்து மத்திய அரசு உத்தரவு பிறப்பித்துள்ளது. சட்டவிரோத நடவடிக்கைகள் (தடுப்பு) சட்டத்தின் கீழ் இந்த தடை நீட்டிக்கப்பட்டுள்ளதாக மத்திய அரசு அறிவித்துள்ளது.