சவூதியில் அனோஜனுக்கு மரண தண்டனை? அலி சப்ரி கவலை

சமூக ஊடகத்தில் பதிவிட்டதாகக் கூறப்படும் சர்ச்சைக்குரிய கருத்து தொடர்பில் சவூதி அரேபியாவில் தண்டனை பெற்ற இலங்கை பிரஜையான அனோஜன் சிவராசாவுக்கு மரண தண்டனை விதிக்கப்பட்டுள்ளதாக வெளியாகியுள்ள தகவல்கள் குறித்து முன்னாள் வெளிவிவகார அமைச்சர் அலி சப்ரி கவலை வெளியிட்டுள்ளார்.

அனோஜன் சிவராசாவுக்கு மரண தண்டனை விதிக்கப்பட்டதாக வெளியான தகவல்களைத் தொடர்ந்து, அவருக்கு மன்னிப்பு வழங்குமாறு சவூதி அரேபிய அதிகாரிகளிடம் அலி சப்ரி கோரிக்கை விடுத்துள்ளார்.

எனினும், அனோஜனுக்கு மரண தண்டனை விதிக்கப்பட்டமை தொடர்பான தகவலை இலங்கை வெளிவிவகார அமைச்சு இதுவரை அதிகாரப்பூர்வமாக உறுதிப்படுத்தவில்லை என அலி சப்ரி தெரிவித்துள்ளார்.

முறையான எழுத்துப்பூர்வமான நீதிமன்றத் தீர்ப்பு கிடைக்கும் வரை காத்திருப்பதாகவும், இந்த விவகாரம் தொடர்பில் ஆழ்ந்த கவலை கொண்டுள்ளதாகவும் அவர் குறிப்பிட்டுள்ளார்.