அமைச்சரவையில் “மாற்றம் இருக்கும்… ஏமாற்றம் இருக்காது” முதல்வர்

சென்னை:

தமிழக முதலமைச்சர் மு.க.ஸ்டாலின் தனது சொந்த தொகுதியான கொளத்தூரில் இன்று பல்வேறு நலத்திட்ட உதவிகளை வழங்கினார். தொடர்ந்து கொளத்தூர் சட்டமன்ற தொகுதியில் நடைபெற்று வரும் பல்வேறு திட்டப்பணிகள் குறித்து சம்பந்தப்பட்ட அதிகாரிகளிடம் கேட்டறிந்தார்.

அப்போது முதல்வர் மு.க.ஸ்டாலின் செய்தியாளர்களுக்கு அளித்த பேட்டியில், அமெரிக்க பயணத்தில் கிடைத்த முதலீடுகள் குறித்து டி.ஆர்.பி. ராஜா வெளியிட்டது வெள்ளை அறிக்கை தான். அதிமுக ஆட்சியில் வெள்ளை அறிக்கை எப்படி இருந்தன என்பது குறித்து நன்றாகவே தெரியும். வடகிழக்கு பருவமழையை எதிர்கொள்ள அரசு தயாராக உள்ளது என்றார்.

அப்போது தமிழகத்தில் அமைச்சரவை மாற்றம் இருக்குமா? அமைச்சர் உதயநிதி ஸ்டாலினுக்கு துணை முதல்வர் பதவி கிடைக்குமா என்கிற கேள்விக்கு, மாற்றம் இருக்கும், ஏமாற்றம் இருக்காது என நறுக்கென பதில் அளித்தார்.