தமிழகத்துக்கு 2 நாட்கள் ரெட் அலார்ட்

புதுடெல்லி:

தமிழகத்திற்கு நாளையும், நாளை மறுநாளும் என இருநாட்கள் ரெட் அலார்ட் விடுக்கப்பட்டுள்ளது.

இதுதொடர்பாக இந்திய வானிலை ஆய்வு மையம் வெளியிட்டுள்ள அறிவிப்பில், தென் மேற்கு வங்கக்கடலில் வருகிற 22ம் தேதி குறைந்த காற்றழுத்த தாழ்வு பகுதி உருவாக வாய்ப்புள்ளது.

தொடர்ந்து இது வடகிழக்கு திசையில் நகர்ந்து 24ம் தேதி மத்திய வங்கக்கடல் பகுதியில் காற்றழுத்த தாழ்வு மண்டலமாக வலுப்பெற வாய்ப்புள்ளது.

இதனால் தமிழகத்தில் நாளை மற்றும் நாளை மறுநாள் அதிக கனமழைக்கான ரெட்அலார்ட் எச்சரிக்கை விடப்பட்டுள்ளது.

மேலும் இன்றும், 21,22 ஆகிய 3 தேதிகளில் மிக கனமழைக்கான ஆரஞ்சு எச்சரிக்கையுடம் விடப்பட்டுள்ளதாக இந்திய வானிலை ஆய்வு மையம் தெரிவித்துள்ளது.